மின்மினி கவிதைகள் | க.சாதனா

தவமின்றி கிடைத்த உறவும் அப்பாதான்!

தவமிருந்தாலும் கிடைக்காத உறவும் அப்பாதான்!!

என்னை ஓரு மூன்றெழுத்தில் 

கவிதை எழுதச்சொன்னால்

நான் எழுதுவேன்

அம்மா என்று!

உன்னைத் தாழ்த்திப் பேசும்போது

ஊமையாயிரு!

உயர்த்திப் பேசும்போது

செவிடனாயிரு! – அப்போதுதான்

வெற்றி உன்பக்கம் இருக்கும் !!

நீ ஜெயிக்கக் கூடாது – என

நினைப்பவர்கள் முன்னே

நீ வாழக்கூடாது – என

நினைப்பவர்கள் முன்னே

நிச்சயம் உயர்ந்து காட்டு !!

அப்பாவிடம் பாதுகாப்பாக உணர்கிறேன்!

அம்மாவிடம் பாசத்தைப் பகிர்கிறேன்!

தம்பியின் சிரிப்பில் பூப்பூப்பதைப் பார்க்கிறேன்!

என் குடும்பத்தைக் கடவுளாக நேசிக்கிறேன்!

மேகங்களைப் போல் கலைந்து போவதல்ல நட்பு!

மண்ணைப் போல் பிரிந்து செல்வதல்ல நட்பு!

மரங்களைப் போல் தழைத்து நிற்பதுதான் நட்பு!

இறைவன் கொடுக்கும் வரமல்ல – நட்பு!

இறைவனுக்கே கிடைக்காத வரம்!!

காலம் முழுவதும் 

கையில் வைத்துத் தாங்கும்

நண்பன் தேவையில்லை..!

காலம் முழுவதும் 

நெஞ்சில் வைத்துத் ஏங்கும்

நண்பனே போதும்..!

நீ மூலையில் உட்காந்திருந்தால்

எறும்புகூட உன்னைத் தூக்கிச் செல்லும்!

நீ விழித்து நடந்தால் – அந்த

நீலவானம்கூட உன்னிடம் தலை வணங்கும் !!

மேகமாய் இருக்க ஆசைப்படவில்லை – நான்

மழையாய்ப் பொழிய ஆசைப்படுகிறேன்!

செடியாய் முளைக்க விரும்பவில்லை – நான்

பூவாய் பூக்க விரும்புகிறேன் !

கவிஞனாய் இருக்க பிடிக்கவில்லை – எனக்கு

கவிதையாய் இருக்கவே பிடித்திருக்கிறது!!

பணத்தால் ஏழையாய் இருக்கலாம்

குணத்தால் ஏழையாய் இருக்காதே!

செதுக்கி வைத்த அனைத்துச்

சிற்பங்களும் – அழகென்றால்

செல்ல என் அம்மாவும் அழகுதான்!!

க.சாதனா த/பெ கண்ணன்

312 – 1ஆ, 3வது குறுக்குத்தெரு,

சூர்யா நகர், ஓசூர் – 635 109