Neithal Thinai Mayakkamum Perazhivom|Dr.N.Dharmaraj

“நெய்தல் திணை மயக்கமும் பேரழிவும்”


Abstract
           

      In today’s modern period, the state of human life has been undergoing various changes. Human lifestyle is gifted to them as a state of emergency, urgent pleasure, and emergency. The purpose of the article is to explore this, although there are many issues (economic extremism) in today’s world, but a common problem for all countries.


ஆய்வுச் சுருக்கம்
         

       இன்றைய நவீன காலகட்டத்தில் மனித வாழ்க்கையின் நிலை பல்வேறு மாறுதல்களுக்கு உள்ளாகி உள்ளது. மனித வாழ்க்கை முறையானது அவசர தேவை, அவசர இன்பம், அவசர முடிவு என்ற அவசரகதியான நிலை பேரழிவை அவர்களுக்கு பரிசாக தரவுள்ளது. இன்றைய உலக நாடுகளில் பல்வேறு பிரச்சனைகள் (பொருளாதார தீவிரவாதம்) போன்றவை காணப்பட்ட போதிலும் எல்லா நாடுகளுக்கும் பொதுவான பிரச்சனையாக உருவெடுத்துள்ளது” புவி வெப்பமடைதல்” என்ற நிகழ்வாகும். இதைப் பற்றி ஆராய்வதே கட்டுரையின் நோக்கமாகும்.


முன்னுரை
         

         இந்தப் புவி வெப்பமடைதல் என்ற நிகழ்வுக்கு பல்வேறு காரணங்கள் உள்ளன. இது தொடர்பான ஆய்வு முடிவுகள் வந்து கொண்டே இருக்கின்றன. இருந்த போதிலும், கட்டுரை பூவி வெப்பமடைவதற்கான காரணங்களையும், அதனால் தோன்றக்கூடிய விளைவுகளையும் கூற உள்ளது. குறிப்பாக, நெய்தல் திணை மயக்கத்தால் ஏற்படக்கூடிய விளைவே இப்பவி வெப்பமடைதலுக்கான முக்கிய காரணம்; அதனால் பேரழிவு ஏற்படும் என்பதை விளக்குவதே நோக்கமாக்கும். 


நெய்தல் திணை விளக்கம்
         

        தமிழ் இலக்கியத்தில் கடலும் கடல் சார்ந்த இடத்தையும் நெய்தல் நிலம் என்பார்கள். பூமி உருண்டையை சுற்றியுள்ள பெரும்  பகுதியான உப்பு நீரை தான் கடல்கள் என நாம் அழைக்கின்றோம். இது சுயமான பூக்கோல அமைப்பாகும். கடலின் ஆழமான உட்பகுதிக்கும் கரைகளுக்கும் விசேஷமான புவியியல் கட்டமைப்பு உள்ளது. கடல் நீரின் ரசாயன உள்ளடக்கமும் அதில் காணப்படும் பௌதிக நிகழ்ச்சி போக்குகளும் தனித்தன்மை வாய்ந்தவை. கடலின் அடியில் உள்ள நிலப் பகுதிக்கு குறிப்பிட்ட உள்கட்டமைப்பும் வெளி வடிவங்களும் உள்ளன. புவியியல் நிகழ்ச்சி போக்குகளால் உண்டாகும் இந்த வெளிவடிவங்கள் ஒன்றோடு ஒன்று இணைந்துள்ளது. இவை கடல் அடியாளத்தின் கட்டமைப்பிலும் வெளிப்படுகின்றன. கடல் அடித்தளத்தின் வடிவங்கள் நான்காக பகுக்கப்பட்டுள்ளன. அவை

1. கண்டதிட்டு


2. கண்ட சாய்வு


3. கண்ட கீழ்ப்பகுதி


4. கடல் படுகை என்பதாகும்.
         

கண்டத்திட்டு எனப்படுவது சாதாரணமாக கண்டத்தின் ஓரமாக இருக்கும் ஆழமில்ல கடற்பரப்பு. இது கடல் நீரில் கீழ்ப்பகுதி வரை செல்லும் கண்டத்தின் பகுதியாகும். பெரும்பாலும் இது கடலால் மூழ்கடிக்கப்பட்ட கரையோர சமவெளியாக இருக்கும். கடல் மட்டம் இன்று உள்ளதை விட குறைவாக இருந்தபோது நிலவிய பண்டைய ஆற்றுப்பள்ளத்தாக்குகள். கரையோரங்களில் சுவடுகள் இங்கு காணப்படும்.
         

கண்ட சாய்வு என்பது  கண்டத்திட்டின் வெளி விளிம்பிலிருந்து கடலின் ஆழத்தை நோக்கிய கடல் அடித்தளத்தின் சாய்வு இது புவி அமைப்பு முறைகேட்ப பல்வேறு கடல்களில் இச்சாய்வு மாறுபடுகிறது.

கண்ட கீழ்ப்பகுதி என்பது கண்ட ஆய்விற்கும் கீழ்ப்பகுதியில் கடல்படுகைக்கும் இடையில் உள்ள பகுதி.

கடல் படுகை என்பது கடல் அடித்தளத்தின் மிகப் பரவலான பகுதி; அதிக அளவு கூறுபடுத்தப்பட்ட புடைப்புகளைக் கொண்டது.  இங்கு மலைகள், ஆழ்நீர் பள்ளங்கள், குன்றுகள், சமவெளிகள் உள்ளன. எல்லா கடல்களிலும் நடுக்கடலில் மலைத்தொடர்கள் தெளிவாக காணப்படுகின்றன.
         

     இன்று அறிவியலானது பல்துறை ஆராய்ச்சியின் மூலம் கடலில் உள்ளே ஒரு பிரதேச பகுதி காணப்படுகின்றது என்பதை இவ்வாறு தெளிவுபடுத்துகின்றது. இத்தகைய விளக்கத்தையும் குறிக்கும் விதமாக, தவறின் பழம் இலக்கண நூலான தொல்காப்பியத்தில் முதற்பொருள் என்ற பாகுபாட்டில் வருணன் மேய பெருமடல் உலகம் என்று பூதமாக குறைத்துள்ளது  பூடகமாக உரைத்துள்ளது. இது எப்படி எனில், தொல்காப்பிய அகத்திணையிலே கடல் என்பதை குறிக்க படுதிரை முந்நீர் போன்ற சொற்கள் பயன்படுத்தப்பட்டுள்ளன. முல்லை, குறிஞ்சி, மருதம், நெய்தல் என நில வகைப்பாட்டில் உரைக்கின்ற பொழுது மட்டும் தொல்காப்பியர் தெளிவாக பெருமணல் என்று கடலையும் கடல் சார்ந்த பகுதியையும் சுட்டியுள்ளது; அவருடைய புவியியல் அறிவினை வெளிப்படுத்துவதாகவே அமைந்துள்ளது. இத்தகைய கடலையும் அதனை சார்ந்த இடத்தையும் நெய்தல் என்ற கடல்
         

      வாழ் தாவரத்தின் பெயரை குறியீடாக வைத்திருப்பது தொல்காப்பியருக்கு முன்பே மரபாக இருந்துள்ளது என்பது இளம்பூரணரின் கருத்தாகும். ஆகையினால் இக்கட்டுரை கடல் கடல் சார்ந்த பகுதியை தமிழ் இலக்கிய மரபுப்படி நெய்தல் எனவும், சில இடங்களில் கடல் தேவை கருதி எனவும் பயன்படுத்தப்படுகிறது.


நெய்தல் நிலத்தின் பயன்பாடு 
       

            நெய்தல் நிலத்தினுடைய பயன்பாடு என்பது கற்காலத்தே தொடங்கிவிட்ட நிகழ்ச்சியாகும். மனித உணவிற்கும் போக்குவரத்திற்கும் பல்வேறு வசதிகளுக்கும் பயன்பட்ட நெய்தல் நிலத்தின் முக்கிய பணி சூழலைக் கட்டுப்படுத்துதல் என்பதாகும்.
 உலகில் மூன்றில் துருவப் பகுதிகள் தவிர்த்து இரண்டு பங்கு கடல் சூழப்பட்டுள்ளது. உலகில் பருவ நிலைகளை, அதாவது தட்பவெப்பத்தை கடல் கட்டுப்படுத்துகின்றது. இதற்கு காரணம் வளிமண்டலத்தை தாண்டிய பிரபஞ்ச பகுதியில் இருந்து வரும் மின்னோட்டம் கடலில் பாய்கின்றது. இதனை கடலானது பூமியின் நன்மைக்காக, குறிப்பாக உயிரினங்களின் நன்மைக்காக, புவியின் நிலநடுக்கோட்டுப் பகுதியில் உள்ள வெப்பத்தை துருவப் பகுதிக்கும், அவ்வாறே துருவப் பகுதி உள்ள குளிரை நில நடுக்கோட்டு பகுதிக்கும் கொண்டு வந்து, தட்பவெப்பத்தை நிலை நிறுத்துகின்றது. இச்செயலுக்கு மிக முக்கியமான காரணியாக விளங்குவது கடல் நீரின் உப்பு தன்மையே ஆகும். கடல்நீர் என்பது வீரியமற்ற முற்றிலும் ஒரே மாதிரியான திரவமாகும். இதில் 96.5% நீர், சுமாராக 3.5 உப்புகள் மிகச் சிறிய அளவு திடப்பொருள்களின் துகள்கள் கரைந்த நிலையில், வாயுக்கள் அங்கத கூட்டுப் பொருள்களாக உள்ளன.


இதழ் திணை மயக்கம் மாசுபாடு திரிபு
       

      நெய்தல் திணை மயக்கம் என்பது இங்கு நெய்தல் நிலமாச்சுபாடு திரிபையும் அதற்கான காரணங்களையும் சுட்டுதல்.  சாதாரண குப்பை கழிவு நீர் முதற்கொண்டு அணுக்கழிவு ஏவுகணை கழிவு எல்லாமும் கொட்டுகின்ற குப்பை தொட்டி கடல் என்ற நிலை உருவாகியுள்ளது. புதிய கண்டுபிடிப்பு மேம்பாடு போன்றவைகளில் ஒன்றான கடலிலே கால்வாய் தோண்டுதல் இதன் காரணமாக ஆழிப்பேரலையை தடுக்கும் இயற்கை அறனும் கடல் வாழ் உயிரினங்களின் உணவு மூலமாக விளங்கும் பவள பாறைகளும் சேதமுறுகின்றன. இதனால் பல பாதிப்புகள் ஏற்படுகின்றன.  புதிய கடற்கரை கடலோர மண்டலங்கள் என கடற்கரை பகுதிகளை நவீனப்படுத்துதல் என்ற செயல் பழந்தமிழர் வாழ்க்கையின் எச்சமாக இருக்கக்கூடிய பரதவ மக்களுடைய வாழ்க்கையையும் அவரது குடியிருப்புகளையும் அளிக்கின்றது. அழிக்கிறது.
         

     இதைப்போல இன்னும் கடலை மாசுபடுத்துகின்ற நிகழ்வுகளை கூறிக் கொண்டே போகலாம். இலக்கியத்திலே திணை மயக்கும் என்பது ஏற்றுக் கொள்ளப்பட்டது; ஆனால் உண்மை வாழ்வில் அது நிகழ்ந்தால் மிகுந்த ஆபத்தை தரும்.


நெய்தல் நில மயக்கமும் பேரழிவும்
       

      புவி வெப்பமடைதல் தொடர்பாக இரு கோட்பாடுகள் அறிஞர்கள் இடையே முன்வைக்கப்படுகின்றன.


1. தானாகவே அதிகரிக்கும் முடிவு இறுதியில் பேரழிவு.


2. திடீரென வந்து தாக்கும் பேரழிவு என்பதாகும்.


3. தானாக அதிகரிக்கும் முடிவு பேரழிவு
         

        உலகம் வெப்பமடைவதற்கான காரணமாக கூறப்படுவது, துருவப்பகுதியில் உள்ள பனிப்பாறைகள் உருகி கடல் நீர்மட்டம் அதிகரிப்பதாலும், இதன் விளைவாக வளிமண்டலத்தில் கலக்கும் நீராவி அளவு அதிகரித்து அவை பசுமை இல்லா வாய்வாக மாறி சூரியனிடமிருந்து வெப்பத்தை ஏற்று பூமியின் மீது அனுப்புகின்றன. இதனால் புவி வெப்பமடைகிறது. இது சுழற்ச்சியாக நடந்து, பனிப்பாறைகள் மேலும் உருகுதல், கடல் மட்டம் உயர்தல், நீராவியின் அளவு அதிகரித்தல், இதன் விளைவு காலநிலை மாற்றம், கடைசியில் பேரழிவு.


திடீரென வந்து தாக்கம் பேரழிவு
         

       மேலே கூறியவாறு பனிப்பாறைகள் உருகி கடல் நீருடன் கலந்து ஆவியாகி பசுமை இல்லா வாய்வாக மாறுதல் பூமி வெப்பம் அதிகரித்து அதிகமாக பனிப்பாறைகள் உருகுகின்றன இந்நிலையில் இது மற்றுமொரு வகையான
           

    ஆபத்தினை தருகின்றது இந்நிகழ்வு கடலின் உப்பு தன்மையினை குறைக்க வைக்கின்றது பனிப்பாறைகளில் தூய நீர் கடல் நீருடன் கலப்பதால்  கடல் மின்கடத்தும் தன்மையை இழக்கும் இதனால் காலநிலை சீராக்கும் என்ற கடலின் முக்கிய பணி தடைப்பட்டு புவி வெப்பமும் குளிரும் இடமாறும் தன்மை போகும் குறிப்பாக அமெரிக்கா ஐரோப்பிய கண்டம் உள்ளிட்ட நாடுகள் கடும் குளிரில் சிக்கும் அபாயம் உள்ளது தற்பொழுது வரலாறு காணாத பனிப்பொழிவு அமெரிக்காவில் உள்ளது குறிப்பிடத்தக்கது இதனால் உணவு உற்பத்தி மின்சாரம் எரிபொருள் தட்டுப்பாடு ஏற்படும் மேலும் பெரும்புயல் வெள்ளம் தாக்கும் இதனால் கடலோரங்கள் கடலில் மூழ்கும் இத்தகைய நெய்தல் நில மயக்கத்தால் பூமியில் வரலாற்றில் கூறியுள்ளது போல நிலவியல் மாற்றங்கள் ஏற்பட்டு பேரழிவு ஏற்படும் நிலை உள்ளது இதனையே கவிஞர் சுரதா


பொடி மணல் உலகை சூழ்ந்த


போர்க்கடல் மாந்தர் தம்மை


வடிந்திடா நீரினாலே வஞ்சிக்கும்


நெய்தல் நீர் இயற்கை எழில்
         

    என்று குறிப்பிட்டுள்ளார். அன்று தொல்காப்பியன் நெய்தல் திணைக்காக வகுத்த இரங்கலம்  இரங்கலும்இரங்கல் நிமித்தமும் என்ற உரிப்பொருள் வருங்கால மக்களின் வாழ்வில் வர நேரிடும் என்ற அச்சம் தோன்றுகின்றது.


பார்வை நூல்கள்


1. கடல்களும் மனிதனும் ப.ஸ்லோகின்
 மொழிபெயர்ப்பு: இரா பாஸ்கரன்
 முன்னேற்ற பதிப்பகம், மாஸ்கோ விற்பனையாளர், நியூ செஞ்சுரி புக் ஹவுஸ்.


2. நெய்தல் முகம் சுற்றுச்சூழல் விழிப்புணர்வு இதழ் நாகப்பட்டினம்


ஆய்வுக்கட்டுரையின் ஆசிரியர்
 

முனைவர் ந. தர்மராஜ், 
 

இணைப் பேராசிரியர்,
 

செயின்ட் ஜோசப் கல்லூரி (கலை மற்றும் அறிவியல்),
 

கோவூர்- சென்னை.