விடுதலையில் வீரமங்கை|கவிதை|ச. குமரேசன்

✒️ பாரதத்தின் பண்பாடு


தமிழினத்தின் தழல் வீரம்


சுட்டெரிக்கும் சுடர்விழி


வெள்ளையர்களை


வேர் அறுத்த வீரமங்கை..!


✒️ சிலு சிலுக்கும் காற்றோடும்
       

சேறு நிறைந்த வயலோடும்
 

சிவந்த பூமியாம்


சிவகங்கைச் சீமையிலே


சீறியெழுந்த சிங்கப்பெண்..!


✒️ முரட்டுக்காளையாய்


முந்தியுள்ள வீரமும்


முண்டாசுடன்


முறுக்கி நிற்கும் தீரமும்
 

பகை நடுங்கும் பகலவனுமான


முத்து வடுகநாதரின்


முத்தான மனைவி..!


✒️ மக்கள் நலனையே


மனதில் நிறுத்தி
               

குதித்தெழும் குதிரையைக்


குறிப்பாய் செலுத்தி


வாளெடுத்து போர் தொடுத்து
               

வாழ வைக்க வந்த மங்கை..!


✒️ கணவனை இழந்தும்
               

கலங்காத நெஞ்சோடு
 

கனன்றெழும் வீரத்தோடு
               

கணை பல தொடுத்து


கர்சித்த காக்கும் தெய்வம்..!


✒️ வெள்ளையர்களை வேலெடுத்து


வெளுத்து வாங்கிய


வெம்புலியான வேலுநாச்சி..!


✒️ இந்திய திருநாட்டின்
 

சுதந்திர நன்னாளில்
 

வீர மங்கையின் தீரம் போற்றுவோம்..!
                               

✒️ வந்தே மாதரம்!


கவிதையின் ஆசிரியர்

ச. குமரேசன்,
 

உதவிப் பேராசிரியர்
 

தமிழ்த்துறை,
 

முத்தாயம்மாள் கலை மற்றும் அறிவியல் கல்லூரி,


இராசிபுரம்.