அம்மா மரம்|கவிதை|ச. குமரேசன்

🎯 நாட்டு நடப்புகள்
 

நல்லவை கெட்டவை


அன்றாட அழுத்தங்கள்
 

அரைகுறை தூக்கம்
 

அனைத்தையும் பகிர்ந்திட
 

அன்பை அள்ளித்தர
 

அம்மா ஒருவர் தான் அனைவருக்கும்..!


🎯 அம்மாவின் குரல் கேட்டால்


அழுத்தமான மனது


அரை சதமாய் குறையுமென்ற
 

ஆராய்ச்சியாளர் அறிவிப்பு ஒன்றை


அறிய முடிந்தது..!


🎯 அரக்கப் பறக்க ஓடி


அலுவலகப் பணிகள்


அயராது செய்து முடிப்போம்..!
 

🎯 வாரத்தில் ஒரு நாள்


வாகாய் ஓய்வெடுக்க
 

வந்தமரும் இடம் எது?
 

🎯 அம்மாவுக்காக மனது


அழுது ஏங்கும்!
 

அப்போது
 

அவர் நட்ட செடி ஒன்று
 

ஆகாயமளவு மரமாய் வளர்ந்து


மனதை ஆற்றும்..!


🎯 அதில்,


பகலெல்லாம்


பறவை இனங்கள்


பல பல வந்து


இன்னிசை பாடி


இதமாய் இளைப்பாறும்..!
 

🎯 அம்மாவின்


ஒரு குரல் கேட்க


ஏங்கிய எனக்கு


அவர் பல குரலால்


பாடல் இசைத்துப்


பாரத்தைப் பாதியாய்


குறைக்கிறார் இன்றளவும்..!


கவிதையின் ஆசிரியர்

ச. குமரேசன்,


உதவிப்பேராசிரியர்,


தமிழ்த்துறை,


முத்தாயம்மாள் கலை மற்றும் அறிவியல் கல்லூரி,


இராசிபுரம்.