📜 நானும்
எனது எண்ணங்களும்
ஒன்றாகவே பயணிக்க
ஒவ்வொரு நாளும்
ஓடிக்கொண்டிருக்கின்றோம்..!
📜 எனக்கு வியப்புகள் பல உண்டு!
பல்வேறு சந்தர்ப்பங்களில்
துணிச்சல் மிக்கவர்கள்
வீரமான முடிவையும்
உயிரை துச்சமாக
மதிக்கும் மனதையும்
கொண்டவர்களாகவே
உள்ளார்கள்..!
📜 எனது
நம்பிக்கையும்
நான் கொண்ட
பார்வையும்
பலமானதுதான்..!
📜 ஆனாலும்!
சில நேரங்களில்
என்முன் தோன்றும்
மாயையை,
வாழ்வின் சூட்சமத்தை
அலங்கரிக்கவோ
நிறுத்தவோ
போராடுகிறேன்..!
📜 என்னுடைய
ஆத்ம மனத்திற்குள்
நிற்கும்
கம்பீரமானவர்கள் என்ற
எனது கணிப்புகள்
அனைத்தும்
தவிடு பொடி ஆகி விடுகிறது
உடற்கூறு ஆய்வின் போது..!
📜 நான்கு பேர்
முன்னிலையில்
நிர்வாணமாகக் கிடத்தப்படுவோம்
என்ற அச்சத்தினால்..!
📜 மீண்டும் நொறுங்குகிறேன்!
மீண்டும் அழுகின்றேன்!
மீண்டும் துவண்டு போகிறேன்!
நான்தான் வலிமையான
பெண்ணாச்சே..!
📜 பெண்ணென்றால்
வீழ்வதற்காகப் பிறந்தவளா?
வீழ்த்தப்பட…
கிள்ளி எறிய …
நான் ஒன்றும் பூவல்லவே..!
📜 ஆதி புருஷனானாலும்
எம் புருஷனானாலும்
எப்பேர்ப்பட்ட
எமகாதர்களையும்
எதிர்த்து நின்று
போரிடவே – மனம்
எண்ணுகிறது..!
கவிதையின் ஆசிரியர்
முனைவர் த. சுதாமதி
துறைத்தலைவர் ,
வணிக நிர்வாகவியல் துறை,
சோனா கலை மற்றும் அறிவியல் கல்லூரி,
சேலம்-05.
