கல்லறை வாயில்|கவிதை|சு.தமிழ்ச்செல்வன்

காந்தியின் புன்னகை பார்க்க

நாங்கள் நாளும் அழுகிறோம்!

இரண்டாயிரம் ரூபாய் தாளின்

நிறம் என்ன என்று

ஏழைகளைப் பார்த்து

ஏழுமலையான் கேட்டான்…

கூட்டத்தில் எழுந்த குப்புசாமி

இரண்டாயிரமா ?

அது எப்போது அரசு வெளியிட்டது

வந்ததும் தெரியாது

போனதும் தெரியாது

நாங்கள் வாழ்கிற – வாழ்க்கை

உலகம் அறியாது!

ஏழைகளின் பத்து விரலில்

எப்போதும் சிக்குவது சில்லரையே!

நீங்கள் மடி கணினியில்

மணிக்கணக்கில் வேலை செய்கிறீர்கள்…

எங்கள் பெண்கள் மடியில்

கணத்துடன் மதிய வெயிலிலும்

வேலை செய்கிறார்கள்!

எங்கள் வாழ்வில் உதயமாகும் – சூரியன்

இருளை மட்டும் பரப்புகிறது!

எங்கள் வீட்டில் வளரும் ஆடுகள்

இலையும் பூவும் உண்பது இல்லை!

 மாறாக

இலையும் பூவும்தான்

ஆடுகளை உண்டு செரிக்கிறது!

மதம் பிடித்த யானையிடம்

ஆசிர்வாதம் வாங்கிட

காத்துக்கிடக்கிறோம்…

கல்லறையின் வாயிலில்!

கவிதையின் ஆசிரியர்           

சு.தமிழ்ச்செல்வன் S/O வெ.சுகுமாரன்

               1-36A, சாலைத்தெரு,செருகளத்தூர்,

              குடவாசல்(வட்டம்),திருவாரூர்(மாவட்டம்)

              பின்-612604,

               மின்னஞ்சல்-vstamil481@gmail.com