கடவுளின் தேசம்!  கல்லறையின் வசம்! |கவிதை|ப.பிரபாகரன்

🎯 பொழுது விடியும் முன்னே


விழித்தெழுவோம் என்றே


உறங்கினோம் !


🎯 விடிந்தும் எழவில்லை


விழித்தெழும் நிலையிலும்


நாங்கள் இல்லை!


🎯 நிலச்சரிவே!


நும்பசிக்கு உணவாகாது


தப்பினோம் பலமுறை!


🎯 காட்டாற்று வெள்ளமே!


கருணையில்லையோ நுமக்கு!


அபாயம் அறியும் முன்னே


ஏப்பமிட்டுச் சென்றாயே!


🎯இறந்தபின் புதைக்கும் வழக்கம்


எங்குமுண்டே! இதுபோல்..


உயிரோடு புதைக்கப்படுவோமென


ஒருபோதும் நினைத்ததில்லையே!

🎯நேற்று நாங்கள் உறங்கியது


எங்கள் வீட்டு மெத்தையில்தான்!


இன்று புதைந்து கிடந்ததோ


பன்னிரண்டு கிலோமீட்டருக்கு


அப்பால்!


🎯அட கடவுளின் தேசமே


இனி கல்லறையின் வசமா?


🎯நாயைக் கொண்டு கண்டுபிடித்தீர்


இறுதிக்கடன் செய்ய உதவினீர்

நன்றிகள் நாயகர்களே!!


ப.பிரபாகரன்


த/பெ பி.பன்னீர் செல்வம்,


எண்: 3-92, தெற்குத் தெரு,

பல்லபுரம்,
 இலால்குடி தாலுக்கா,

திருச்சி மாவட்டம்.


அஞ்சலக எண்  – 621712;


கைபேசி – 9843912987


email: karpraba@gmail.com